VISAYAN POEMS

Disi-otso nga Pagkatawo

              Sharie Lou B. Socong

Inag ka disi-otso nako

Gusto nako nga ikaw

Akong kinalasan nga masayaw

Pero unsaon man nako nga naa man kay uyab.

Anhi ra ba ko taman

Magsige ra ko ug pangandoy nimo

Wala jud koy pag-asa sa imo

Bisag matagad lang ko nimo.

Bahalag igo ra ko nimo tan-awon

Bahalag dili ka makig-istorya nako, okay ra

Ing-ani ko nga naka angay kaayo nimo

Malipay nako kaayo.

Dili sa Tanang Higayon

Sheila Mae Penaso

Dili sa tanang higayon ikaw malipayon

Dili sa tanang higayon ikaw magul-anon

Dili sa tanang higayon ikaw maghilak

Dili sa tanang higayon ikaw maghagakhak

Dili sa tanang higayon nga kung mobiya ka naa pakay balikan

Dili sa tanang higayon ang imong gipasakitan dili mapul-an

Dili sa tanang higayon ikaw kanunay sabton

Dili sa tanang higayon imong mga sayop palabyon

Dili sa tanang higayon ikaw magduha-duha

Dili sa tanang higayon ikaw mamroblema

Kay ang tanan naay kautlanan

Ug ang tanan naay katapusan.

Bag-ong Kinabuhi

  Sheila Mae B. Palomares

Sa dihang gianak ko sa ahung mama aning kalibutana

Wala koy dakong pagmahay kay ako ilang gimahal

Wala sab koy kadumot sa mga katawhan

Sa niabot ang panahon nga naa nakoy buot

Naghinay-hinay nag kabag-o ahong kinabuhi

Pero wala gihapon ko gapadala sa kabag-ohon sa panahon

Padayon gihapon ko sa ahong kinabuhi ug unsa ko

Dili rason ang bag-ong henerasyon para mabag-o ka

Sa panahon nga akong namat-an karon

Makaingon gyud kog lahi ra ang saunang panahon

Kahibaw ko nga ang mga tawo musunod gyud sa panahon

Sa mga tawo karun wala sila gatan-aw sa kahagu sa usa ka tawo.

Fiesta

Jenissa D. Orongan

Sa pag-Fiesta sa Malapascua

Abi kog ang akong problema

Kwarta pero dili diay

Ang kasamok sa agi-anan

Kay Fiesta, mo laag

Mamiyesta sa silingan

Dugay mo mata kay gikan man ug disco

Dili sa manglaba kay kapoy

Sa pagkahuman sa Fiesta

Grabe gyud nakong panlimpyo

Kay daghan kaayu ug sagbot sa balay

Ug pagkahuman ug panlimpyo natug kog balik

Ug mi text akong amiga

Nga mangaligo ug dagat

Ug miingun ko sa akong kaugalingon nga mokuyog ko o dili

Kay daghan nako ug buluhatun.

Ang Kagahapon

Daveson E. Torculas

Saksi ang panahon

Sa mga panghitabo kagahapon

Apan, angay pa ba natong balikon

Ang kapait niadtong kagahapon

Lisod man kalimtan

Apan, atong hinumduman

Ang oras gadagan

Ug angay molihok kitang tanan

Angay na kitang mumata

Sa kamatuoran nga dugay ng nagtuktok

Atong ablihan ang atong mga mata

Ug planuho'g maayo ang atong mga lihok

Niining paagiha, atong masulayan

Ang kanindot sa kalibutan

Diba kanindot pamalandungan

Kon kitang tanan mabulahan sa kahitas-an.

Ang Akong Panan-aw

John Paul Cancio

Di ko maingon ang akong gibati

Ganahan ko lang ipahibalo kanimo

Aron imong mabati

Ang gugma ko aking sinta

Ang gugma na angay ipagpatay

Ay pilit kong gidaganan

Aron di mo lang biyaan

At di na rin masakitan

Madayunan ka mang mawala

Tungod sa akong di pagtagad

Dili ka gihapon mawala

Sa kasing-kasing kong dakog salig kanimo

Kinsa ba gud ko aron imong angayan

Usa raman kong naka-angay kanimo

Sa kong panan-aw, wala na nimo natagad

Ang tanan nakong gibuhat aron imo lang tagdon

Pero wala jud kay gamay na panan-aw sa ako

Maong ako nalang ning undangon

Aron di na kita masakitan

Ug ato nalang ning ipadayon bisag amigo lamang kutob.